الوصف
شهرزاد أون فاير
“بلغني إيها الملك السعيد ذو الرأي الرشيد إن رحلتنا في الحياة هتاخدنا في كل اتجاه! هنعدي على مراحل مختلفة في حياتنا.. في شغلنا ودراستنا. هنعدي بنجاح وفشل، بتشجيع وإحباط، بحب وكره وفرح وغضب وسهولة ومعاناة ومتعة وبؤس. القطر هيعدي بكل المحطات وهنشوف حوالينا أشكال وألوان من البشر والتجارب والتغيّرات. الحاجة الوحيدة اللي هتفضل طول الوقت معانا، هي البوصلة اللي جوانا! الجزء اللي عارف كويس إحنا مين وبنحب إيه وبنكره إيه وعايزين نعمل إيه وبنخاف من إيه. الجزء اللي فاهم مشاعرنا وعارف شغفنا ونقاط قوتنا ويقدر يساعدنا نخطط لحياتنا ونختار الناس اللي حوالينا. الجزء الوحيد اللي عنده إجابة السؤال المتكرر “أنا مين وإيه بصمتي في الدنيا؟”
إيه الجزء ده؟ أفهمه ازاي؟ أستخدمه ازاي؟ أظبط بوصلتي ازاي؟
دي الأسئلة اللي هنجاوب عليها من خلال حكايات ألف ليلة وليلة… ”
الكتاب دة من أفخم الحاجات إللي ممكن تكونوا هتقروها في حياتكم في مجال تنمية الذات
مش إللي جه في بالك عن جو التنمية البشرية و اللايف كوتشينج والكلام الواسع بتاع إنت تقدر تهد الحيطة دي والجو
الرخيص إللي بقى أي حد يقوله دة
شهرزاد أون فاير
خلاصته:
الكتاب بيبدأ ياخدك ع الهادي عشان تبدأ تتعرف ع نفسك إللي بتحركك وتفهم تصرفاتك إللي أحيانا بتكون ملهاش تفسير بالنسبالك
وبعدين تفكلك كولكيعة الناس الكلمة الواسعة آوي إللي بتقف عقبة في معظم قراراتك
وبعدين تاخدك في سكة مشاعرك وتشرحلك أهم المشاعر إللي ممكن تمر عليك وإزاي تتعامل معاها والجزء الاهم هو إزاي تتعامل مع جروحك النفسية إللي نفسك بتحاول تتوهك عنها لا هنا استوب إنت بتقف قصادها وش لوش عشان تنتهي من حياتك وتعرف تبدأ ع نظيف
بعدها بتخش على الشغف وهنا الكتاب هيسألك كتير جدا جدا والعملي فيه يمكن اكتر عشان وإنت بتجاوب تنكش في دماغك وتعرف عاوز تعمل إيه …
كتاب هيخليك تعرف بوصلتك الخاصة وتفهم نفسك ومشاعرك وتتعرف على شغفك وترتب حياتك؛ من خلال حكايات ألف ليلة وليلة.
شهرزاد أون فاير
من مؤلفة الكتاب الأكثر مبيعا “سندريلا سيكريت” هبة السواح
المراجعات
لا توجد مراجعات بعد.