Sold out

ما تخليني بدونك

د.ك3.000

ما أتخيّلني بدونك!

يعني بسّ…

معاد تبيني؟!

يعني عَزَّمت بتقفّل

الصباح بوجه قلبي

وتِظلم الدنيا في عيني؟!

يعني بسّ…

معَاد يهمّك

شوق قلبي

رفّة جفوني عليك

لا تمنّيتك تجيني؟!

لا ولا حتى مشاريه الظما…

يا الغيم… فيني؟!

يعني عزّمت بتروح؟!

يعني أَنسى إنّك إنتْ

كنت لي أَجمل حبيب

تمتلي روحي معاه

ويحتويني؟!

يعني أنسى ضحكتك

نعناع كلامك

دافي أنفاسك في صدري

رقّتك

والتفاصيل اللي نمَت…

بينك وبيني؟!

يعني أنسى كل هذا

وبسّ أصدّق

إنك إنت… معاد تبيني؟!

ولو فرضت إني رضيت…

باللي تبيه

قللي…

وين بس أودّي

لهفتي…

وشوقي…

وحنيني؟!

من قبل لا تروح قللي

وين أودّي… صوتك اللي

من كثر مانا عشقته

صار عندي

أغلى من أغلى سنيني؟!

وين أودي

وجهك اللي

لا تخيّلته أصير

مرفا… تسكنّي النوارس

ويمْتلي بالعشب… طيني؟!

وين أَودّي كل فرحه

كانت بحبك معاك

طرَّزْتني بالنجوم

من بقايا خطوتي…

لآخر هلال بجبيني؟!

قلّلي يا جنّة عيوني

وين اودّي…

كل هداياك الثمينه

واللي غَرّقْت بشذاها

ياسميني؟!

الرسايل

والعطور

ولّا حتى ساعتك

واللي صارت كنّها…

من بعض ايديني؟!

وين أودّي كل هذا

لو مشيت وقلتلي…

إنك خلاص…

معاد تبيني؟!!

ما أتخيل…

قلبي من غيرك… ولا…

أقدر أحس…

طعم الاغاني

ولا في توت الاماني…

ولا حتى بفرحتي

لا… ولا بقاسي أنيني!

يا حبيبي…

ما اتخيّلني بدونك

وما اتخيّل…

شي فالدنيا… يبيني!

مسارات للنشر و التوزيع . مسفر الدوسري

غير متوفر في المخزون

رمز المنتج: 9789996690099 التصنيف: الوسوم: ,
معلومات إضافية

معلومات إضافية

الوزن .26 kg
مراجعات (0)

المراجعات

لا توجد مراجعات بعد.

كن أول من يقيم “ما تخليني بدونك”

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.